Non damos puntada sen fío

A peza “Non damos puntada sen fío” documenta durante varios meses o traballo, o proceso de produción e a montaxe dun espectáculo teatral: “Manual de Patronaxe”. O texto é unha homenaxe ás mulleres, ás referentes feministas, ás modistas e ás coidadoras. O texto da dramaturga Nerea Brey levou o Premio Abrente da MIT de Ribadavia do 2023. O espectáculo é unha reivindicación de todos eses momentos que, pasando desapercibidos, son, non obstante, as puntadas que conforman o bordado da nosa vida. Proxecto gañador do Premio Luísa Villalta da Deputación da Coruña a proxectos pola Igualdade 2025.